طريقتى للعناية ببشرتى الدهنية

السلام عليكم 

طريقتى فى العناية ببشرتى الدهنية فعلا بعد معملت نظام للإهتمام ببشرتى حسيت بفرق شااااااااااسع خصوصا انى بشرتى دهنية وكنت بعانى من المسام الواسعة  بسبب حب الشباب بجد حب الشباب معاناه وخصضوصا لو عندك العادة السيئة وهى إنك تلعبى فى الحبوب اللى بتطلع فى وشك بإيدك
لكن بعد ماعملت نظام لنفسى ومشيت عليه بئة وشى منور طبعا مبئيتش شبه البنت اللى فى الصورة يعنى ههههههههههههه لكن بجد والله بئة فى فرق جامد وكل اللى حواليه لاحظوا الفرق

طبعا اى وصفة او اى طريقة وضع ماكياج بنقدمها  فى مجلة حواء يجوز تظهرى بيها امام زوجك المحارم فقط

نصيحة عن تجربة شخصية

إحذرى اللعب فى الحبوب اللى تطلعلك فوشك إيدك إيدك إيدك هى عدوك الآول اللى بيسبب البقع اللى بتحصل مكان الحباية حتى لو اختفت بتسيب أثر من لعبك فيها

أولا لو فى حبوب بتطلعلك لازم تروحى لدكتور يعالجهالك لازم

تعالى بقة أقولك على اللى هتعمليه بعد متعالجى الحبوب 

أولا تنظيف بشرتك :

لو بشرتك فيها حبوب هتغسلى وشك بالصابونة الطبية مع العلاج اللى الدكتور وصفهولك لحد مالحبوب تختفى

 1_ صابونة الجليسرين روووووووووووووعة لتنضيف الوجه أنا بستعمل صابونة pears بالجلسرين حلوة أوى وميزتها إنها بتناسب كل أنواع البشرة وبترطب البشرة الجافة والمختلطة بطريقة هايلة وكمان بتنضف لو حبة تستعملى غسول اختارى غسول مناسب للبشرة الدهنية

2_  حمام البخار :

حمام البخار أروع طريقة ممكن تنضفى بيها بشرتك ودلوقتى بقت سهلة لآن فى جهاز بخار جاهز بتستعملية لعمل حمام البخار لوشك  

أما لو معندكيش الجهاز تعالى أقولك تعملى إيه وهتحصلى على نفس النتيجة تجيبى إناء وتحطى فيه مية وتسخنية لحد ما يغلى وومكن تحطى فى المية نقطة ماء ورد وتقربى وشك شوية بشوية من البخار اللى طالع من الوعاء طبعا بعد ماتطفى على المية هههههههههههههه وإلا هيحصل حجات صعبة والآفضل تغطى راسك بوشك بفوطة علشان وشك يستفاد بكل البخار وأول متحسى بحرارة فوشك تبعدى فورا وترجعى تكررىها تانى بعد حمام البخار هتحسى بفرق  جااااااااااااااااااااااااامد وهتحسى ان جلد وشك مرتاح

3_ ماسك التفتيح الطبيعى

ياريت تخلى كل مستحضراتك للعناية ببشرتك وخصوصا وشك تكون طبيعية أحسن وأأمن خصوصا للبشرة الدهنية والحساسة

الماسك عبارة عن ملعقتين كبار لبن حليب وملعقتين زيهم خميرة اخلطيهم مع بعض لحد ما يبقوا ملمسهم وقوامهم زى الكريم وغطى بيهم وشك لمدة ربع او تلت ساعة وبعد كدا إشطفى وشك بماء فاتر وادعيلى لما تشوفى النتيجة وكررى الماسك مرتين فى الآسبوع وممكن ماسك الزبادى والعسل وانتى وراحتك

ملحووووووووووووووظة هأكد عليها تانى علشان تعملى الخطوات دى لازم تكونى معالجة الحبوب وخصوصا لو فى دمامل

وتانى ممنوع ممنوع تلعبى فى الحبوب بإيدك
واحذرى إحذرى أكل الحوادق زى المخللات وخلافه والأكل الحراق لآنه بيسبب تهيج للإلتهابات وبيزود الحبوب

أخر حاجة 4_ ترطيب الوجه :

أنا بستعمل زيت جونسون للآطفال مع كريم مرطب جونسون برده لآنهم مش بيسيبوا أثر زيوت والبشرة بتمتصهم كويس تحطى كمية مناسبة لوشك من الزيت مع كمية من الكريم وتدلكى وشك بحركات دائرية من تحت لفوق زى المساج

وشوفى بعدها وشك مش هتعرفى نفسك ههههههههههههههه

واستمتعى ببشرة منورة حريرية ملمسها كملمس الآطفال ورطبة دة كله زائد نضارة وهتحسى بفرق كبييييييييييييييير

بجد والله أنا مكنتش بستعمل لا كريمات مرطبة ولا اى حاجة من اللى ذكرتها لكن بعد ماجربت وحسيت بالفرق بطلت اهمل بشرتى أبداااااااااااااااااااا

مع السلامة يا حلوين ابقوا ادعولى