السلام عليكم
طريقتى لعمل اللبن المكثف المحلى بالبيت
طبعا اللبن المحلى بنستعمله فى صنع الكثير من الحلويات واوقات مش بنلاقيه فجربت اعمله بنفسى فى البيت وطلع روعة ودى
المقادير والطريقة
المقادير
3 كوب سكر
كيس لبن نيدو صغير
نصف كوب ماء
ملعقة كبيرة زبدة كبيرة أو قشطة
2 ملعقة كبيرة كريم شانتية بودر سادة
4 ملاعق كبيرة عسل جلوكوز لازم عسل جلوكوز مش عسل عادى
الطريقة
1_ ضعى السكر مع الماء يغلوا لحد مالماء يتقل شوية وبعدين ضعى العسل الجلوكوز وقلبيه كويس لحد ميذوب
وطفى عليهم وسيبيهم يهدوا شوية وبعدها ضعى عليهم كيس لبن نيدو وقلبيهم كويس
2_ ضعى السائل فى الخلاط الكهربائى وضعى عليه ملعقة الزبدة او القشطة وملعقتين الكريم شانتية واخلطيهم كويس حتى يتقل الخليط وبعدها ضعية فى الثلاجة حتى يبرد تماما وبعدها تقدرى تستعمليه او تحفظيه فى برطمان زجاجى
وبكدا تكونى صنعتى بنفسك الحليب المحلى وبالهنا والشفا يا قمراية
إرسال تعليق
لا تقرأ وترحل إذا أعجبك الموضوع ضع رد